የመንፈስ ቅዱስን የቅብዓት ኃይልን እንዴት መክፈት ይቻላል?

ጆይስ ሜየር

በሕይወታችን ውስጥ ከእግዚአብሄር መገኘት የበለጠ ዋጋ ያለው ነገር የለም ፡፡ ስለሆነም ስለ እግዚአብሔር መገኘት እና
ቅባት የማስተማር አላማዬ ሙሉ በሙሉ እና በፍጥነት እርሱን የመታዘዝ ፍላጎትዎን መጨመር ነው፡፡ ምክንያቱም
እግዚአብሔርን በምንወደው ፣ በምንታመንበት እና በታዘዝነው መጠን ቅባቱ በሕይወታችን ውስጥ የበለጠ ጠንካራ
ይሆናል።
እግዚአብሔር አሁን ላይ ለእርስዎ ያለው ፍቅር ፍጹም ፣ ሙሉ ፣ የተሟላ እና ቅድመ ሁኔታ የሌለው ነው። እሱ አሁን
ከሚወደዎ በላይ ሊወድዎ አይችልም ፣ ለእርስዎ ያለው ፍቅርም በጭራሽ ሊለወጥ አይችልም። ነገር ግን እኛ ወደ
እግዚአብሄር ፍቅር ማደግ እንችላለን ፡፡
ስለ ባህሪው ከምንማረው እና ከእርሱ ጋር በግል ግንኙነት አማካይነት ላለን ልምድ በእርሱ ላይ ያለን እምነት እና ፍቅር
ይጨመራል። እናም ይህ ሁኔታ የመንፈስ ቅዱስን ቅባት በእኛ ላይ እና ዉስጥ እንዲሰራ የበለጠ ምክንያት ይህናል።

ቅባቱ በውስጣችሁ ይኖራል

ኢየሱስ ክርስቶስ የተቀባ ነው ሆኖም ዳግም ስንወለድ ቅባቱ በውስጣችን ይኖራል ፡፡ መቀባት የሚለው ቃል “መላውን
መቀባት ወይም መላውን አካል ማሸት” ማለት ነው ፡፡ በክርስቶስ ውስጥ ፣ በመንፈስ ቅዱስ ቅባት እንዴት “መላው
አካላችን እና ሰውነታችን እንደተቀባ ” ማሰብ እጅጉን ድንቅ ነው ፡፡
በአንድ በኩል ቅባቱ በጸጋው እና በምህረቱ የሚሰጥ የእግዚአብሔር ነፃ ስጦታ ሲሆን ፤ በሌላ በኩል ደግሞ የሚከፈልለት
ዋጋ አለ።

አንደኛ የዮሐንስ መልክት 2፥27 “እናንተስ ከእርሱ የተቀበላችሁት ቅባት [ልዩ ስጦታው] በእናንተ [ለዘላለም ይኖራል”
ይላል፡፡ ይህ ቅዱሳን መፅሐፍ ቅባቱ በቋሚነት በእኛ ውስጥ እንደሚኖር እና ትቶን እንደማይሄድ እንዴት እንደሚገልፅ ልብ
ይበሉ ፡፡
“ልዩ ስጦታ” እና “ዝግጅቱ” የሚሉት ቃላት የመንፈስ ቅዱስን ተዓምራዊነት የሚያመለክቱ ሲሆን አልያም ደግሞ
እግዚአብሄር ለጠራን ሥራ የመስራት አቅምን ያመለክታሉ፡፡ ሕይወታችንን እንዴት እንደምንኖር የሚመራን በውስጣችን
ያለው የመንፈስ ቅዱስ አነቃቂነት እና አመራር ነው ፡፡
ቅባቱን ስንከተል ጥበብ የተሞላበት ውሳኔዎችን ስለምናደርግ ሰላምና ደስታ ይሰማናል ፡፡ ቅባቱ ለእኛ ከምንም ነገር
በላይ ትልቅ ዋጋ ያለው ነው ስለዚ በሕይወታችን ውስጥ ቅባቱን መጠበቅ አለብን ፡፡

የበለጠ ኃይል ለማግኘት ዋጋውን ይክፈሉ

ቅባቱ በመዳናችን በእኛ ውስጥ በሚኖርበት ጊዜ ፣ በእግዚአብሔር ፊት ልባችን እስኪሰበር ድረስ በሕይወታችን ውስጥ
ሊሠራ አይችልም፡፡ ያኔ በውስጣችን ያለው የመንፈስ ቅዱስ ዘይት ፈሶ ለሌሎች ጥቅም ሊሆን ይችላል ፡፡
ስለዚህ ፣ ከእኛ ውስጥ ምን መሰባበር አለበት? እንደ አመፅ ፣ ግትርነት ፣ ትዕቢት እና ከእግዚአብሄር የተላቀቀ መንፈስ
ያሉ ነገሮች ቅባቱ በእኛ ላይ እንዳይሰራ የሚያደርጉ ጥቂት የአለመታዘዝ ውጤቶች ናቸው ፡፡ ይህም የሆነበት ምክንያት
ቅባቱን የሚሸከመው ተሽከርካሪ ነፍሳችን ፣ አእምሯችን ፣ ፈቃዳችን እና ስሜታችን ስለሆነ ነው። በሥጋዊ ምኞቶቻችን
በተመራን ጊዜ ያኔ በመንፈስ ቅዱስ እየተመራን አይደለም ፡፡
ነገር ግን በክርስቶስ ውስጥ ስናድግ እና ስንበስል እግዚአብሔር የሚፈልገንን መሆን እንችላለን በዚህም በየቀኑ
በመንፈስ ቅዱስ ቅባት ኃይል አንታደሳለን ፡፡

ለመንፈሳዊ ነገሮች ብቻ አይደለም

በምንሠራው ሥራ ሁሉ በየቀኑ የእግዚአብሔር ቅባት እንደሚያስፈልገን መገንዘብ ጠቃሚ ነው ፡፡ እናም ለአገልጋዮች
ወይም ለመንፈሳዊ የሕይወት ዘርፎች ብቻ ሳይሆን ለምናደርገው ነገር ሁሉ ቅባት አለ ፡፡
ቅባቱ እግዚአብሔር የጠየቀውን እንድናደርግ ዘንድ የሚያስችለን እና የሚያስታጥቀን ነው ፡፡ እርስዎ ወላጅ ፣ ባል ወይም
ሚስት ለመሆን ፤በቢዝነስ ወይም በሆነ ዓይነት ድርጅት ውስጥ ለመሆን ፤ በሕይወትዎ ምንም አይነት ነገር ለማከናወን
የተሰጡ ስጦታዎች ሁሉ አሉዎት ፡፡ እግዚአብሄር አንድን ሰው በመጠቀም በራሱ የማድረግ አቅም እንደሌለው
የምታውቁትን ነገር ሲያከናውንለት ያስገርማል። ይህም በቅባቱ ኃይል ነው።

ኢየሱስ ምሳሌያችን ነው

ፊልጵስዩስ 2፥10 “በሰማይና በምድር ከምድርም በታች ያሉት ሁሉ በኢየሱስ ስም ይንበረከኩ” ይላል ፡፡ እርሱ
እግዚአብሔር ነው እርሱ ሁሉን ቻይ ነው! እርሱ በትህትና የእኛ ተምሳሌት ነው።
በተመሳሳይ ምዕራፍ ከቁጥር 5-8 ውስጥ ያሉት እርሱ ያሳየውን ዓይነት አመለካከት እንዲኖረን ይነግረናል ምንም
እንኳን እርሱ አንድ እግዚአብሔር ቢሆንም ፣ ሁሉንም ወደ ጎን በመተው አገልጋይ ሆነ ፤ እርሱ እራሱን አዋረደ እናም
በመስቀል ላይ እስከ መሞት ድረስ ታዛዥ ነበር።
ኃይል ከመታዘዝ ጋር ይያዛል ፡፡ ቅባቱ የሚለቀቅልን ራስ ወዳድነትን ፣ የነፃነት ዝንባሌዎችን አስወግደን በእግዚአብሔር
ፊት ራሳችንን ዝቅ ስናደርግ ነው ፡፡
ለእግዚአብሄር ለመታዘዝ ሲመርጡ ፣ ክርስቶስን ከሙታን ያስነሳው ተመሳሳይ ኃይል ይኖርዎታል ፡፡ እናም በሂይወትዎ
ውስጥ በሚኖረው በመንፈስ ቅዱሱ ቅባት ይደነቃሉ!

Download Here

Please follow and like us: